Կառավարությունը պետական ընկերություն է լուծարում

Կառավարությունը շարունակում է պետական ոչ առեւտրային կազմակերպությունների՝ ՊՈԱԿ-ների կրճատումը:

Կառավարության հունվարի 12-ի նիստի օրակարգում է ներառված ՀՀ տարածքային կառավարման եւ զարգացման նախարարության միգրացիոն պետական ծառայության համակարգում գործող «Համակարգչային կենտրոն» պետական ոչ առեւտրային կազմակերպությունը լուծարելու մասին որոշման նախագիծը:

Նախագծով նախատեսված է նշված ՊՈԱԿ-ի լուծարումից հետո մնացած դրամական միջոցներն ուղղել պետական բյուջե, իսկ այլ գույքն ամրացնել տարածքային կառավարման եւ զարգացման նախարարության «Միգրացիոն պետական ծառայության աշխատակազմ» պետական կառավարչական հիմնարկին:

«Համակարգչային կենտրոն»  ՊՈԱԿ-ի լուծարումից հետո, ինչպես գրված է նախագծում,  2017-ի պետական բյուջեում նախատեսվում է ծախսերի նվազեցում  9.2 միլիոն դրամի  չափով:

Կարդացեք նաև

Տարածքային կառավարման նախարարության կայքը նախարարությունների եւ գերատեսչությունների շարքում տեղեկատվության թափանցիկության ամենամեծ գործակիցն ունի

• 20:05 17.12.2014

ՀՀ միգրացիոն ծառայությունը Ռուսաստանին խնդրում է, որ մեր քաղաքացիներին հետ ընդունի (Տեսանյութ) 

• 14:09 20.11.2014

Փախստականը վճիռը կբողոքարկի Հայաստանի վարչական վերաքննիչ դատարան

• 14:14 24.04.2014

Կառավարությունը նախատեսում է լուծարել նաեւ տրանսպորտի, կապի եւ տեղեկատվական տեխնոլոգիաների նախարարության «Հայաստանի Հանրապետության տրանսպորտի եւ կապի նախարարության «Վարչա-տնտեսական» ՓԲԸ-ն, որը գտնվում է Երեւանի Նալբանդյան 28 հասցեում:

Ըստ որոշման նախագծի, պետք է նշված ՓԲԸ-ի պարտատերերի պահանջների բավարարումից հետո մնացած գույքի առկայության դեպքում այն հանձնվի կառավարությանն առընթեր պետական գույքի կառավարման վարչության տնօրինությանը, ՓԲԸ-ի պարտատերերի հետ հաշվարկներն ավար­տելուց հետո դեբիտորական պարտքերի եւ այլ պահանջների իրավունքները փոխանց­վում են ֆինանսների նախարարությանը:

Նելլի ԲԱԲԱՅԱՆ