Այսօր Տիգրան Պետրոսյանի անվան շախմատի տանն ավարտվում է շախմատի Հայաստանի բարձրագույն խմբի տղամարդկանց 77-րդ առաջնությունը, որտեղ համառ պայքար է ընթանում:
Եզրափակիչ տուրից առաջ մրցաշարային աղյուսակում սիմետրիկ պատկեր է ստացվել: Հինգ շախմատիստներ Տիգրան Լ. Պետրոսյանը, Արման Փաշիկյանը, Հայկ Մարտիրոսյանը, Զավեն Անդրիասյանը եւ Հովհաննես Գաբուզյանը, ութ տուրից հետո ունեն 4,5-ական միավոր եւ զբաղեցնում են մրցաշարային աղյուսակի 1-ից 5-րդ հորիզոնականները եւ այսօր պայքարելու են առաջին տեղի համար, իսկ մյուս հինգը՝ Ռոբերտ Հովհաննիսյանը, Կարեն Գրիգորյանը, Սամվել Տեր-Սահակյանը, Տիգրան Հարությունյանը, Մանուել Պետրոսյանը վաստակել են 3,5-ական միավոր:
Չեմպիոնի անունը հայտնի կդառնա ուշ երեկոյան:
Աշոտ ՀԱԿՈԲՅԱՆ
