Ռուսաստանի բոլոր օդանավակայաններում սահմանվել են ավիացիոն անվտանգության հավելյալ միջոցառումներ Սանկտ Պետերբուրգում տեղի ունեցած ողբերգական իրադարձությունից հետո: RIA Novosti-ի փոխանցմամբ՝ այս մասին հայտարարել է ՌԴ տրանսպորտի փոխնախարար Վալերի Օկուլովը «Ռոսիա 24» հեռուստաալիքի ուղիղ եթերում:
«Բոլոր օդանավակայաններում սահմանվել է տրանսպորտային անվտանգության ուժեղացված ռեժիմ, դա վերաբերում է հստակ միջոցների՝ սկսած օդանավակայանի շրջակայքով և տերմինալներում հսկողության ռեժիմի ուժեղացումից մինչև լրացուցիչ զննում ու լրացուցիչ տեսահսկման իրականացում»,-ասել է Օկուլովը:
Տրանսպորտի նախարարության տեղակալը միևնույն ժամանակ խոստովանել է, որ ցանկացած հավելյալ միջոցառում անհարմարություն է պատճառում ուղևորներին, ուստի նա ուղևորներին խորհուրդ տվեց ավելի շուտ ժամանել օդանավակայան:
