Ըստ կառավարության զեկույցի՝ 2017 թվականի հունվար-հուլիս ժամանակահատվածում ապրանքների արտահանումը կազմել է 1185.1 միլիոն ԱՄՆ դոլար՝ նախորդ տարվա նույն ժամանակահատվածի նկատմամբ աճելով 210.8 միլիոն ԱՄՆ դոլարով (21.6 տոկոսով):
2017 թվականի հունվար-հուլիս ամիսներին հանքահումքային արտադրանքի արտահանումը կազմում է 367.2 միլիոն դոլար, պատրաստի սննդի արտադրանքը՝ 277.5 միլիոն դոլար, թանկարժեք կամ կիսաթանկարժեք քարեր, թանկարժեք մետաղներ և դրանցից իրեր՝ 171.2 միլիոն դոլար, ոչ թանկարժեք մետաղներ և դրանցից պատրաստված իրեր՝ 153.5 միլիոն դոլար:
Արտահանվել են նաև մեքենաներ, սարքավորումներ և մեխանիզմներ՝ 25.6 միլիոն դոլար, մանածագործական իրեր՝ 65.5 միլիոն դոլար, կենդանի կենդանիներ և կենդանի ծագման արտադրանք, 26 միլիոն դոլար, քիմիայի և դրա հետ կապված արդյունաբերության ճյուղերի արտադրանք՝ 15.7 միլիոն դոլար, տարբեր արդյունաբերական ապրանքներ՝ 7.5 միլիոն դոլար, իրեր քարից, գիպսից, ցեմենտից՝ 9.3 միլիոն դոլար, սարքեր և ապարատներ՝ 21.2 միլիոն դոլար, բուսական ծագման արտադրանք՝ 25.2 միլիոն դոլար և այլ ապրանքախմբեր՝ 19.6 միլիոն դոլար:
Ամի ՉԻՉԱԿՅԱՆ
«Առավոտ» օրաթերթ
23.09.2017
