Արցախի Հանրապետության ԱԺ «Շարժում-88» խմբակցության ղեկավար Էդուարդ Աղաբեկյանը Aravot.am-ի հետ զրույցում, անդրադառնալով Արցախի նախկին կառավարության վերջին տասը տարիների կատարած աշխատանքին, գտնում է, որ հաշվի առնելով համախառն ներքին արդյունքի (ՀՆԱ) աճի տարեկան ցուցանիշներ ընդհանուր առմամբ կարելի է գնահատել դրական. «Եթե համեմատենք Հայաստանի և տարածաշրջանի այլ երկրների հետ, ապա կարելի է ասել, որ մեզ ինչ-որ բան հաջողվել է: Սակայն ՀՆԱ-ի աճը չպետք է ինքնանպատակ լինի: Եթե այդ ցուցանիշներն չեն անդրադառնում բնակչության կենսամակարդակի բարձրացմանը, զբաղվածության մակարդակի աճին, ապա կարծում եմ այդ առումով ահագին մտորելու առիթ կա: Մենք խնդիր ունենք ՀՆԱ-ի արդյունավետ վերաբախշման և այս առումով բավականին անելիքներ կան»:
Նրա խոսքով գործադիր մարմնի կառուցվածքային և կադրային փոփոխությունները
կլինեն արդյունավետ, թե ոչ` ցույց կտա ժամանակը: «Այժմ ուղղակի պետք է ուսումնասիրել կառավարության ներկայացրած ծրագրերը և հետևել դրանց իրականացմանը»,- նշում է Էդուարդ Աղաբեկյանը:
Դավիթ Աբաղյան
