Aravot.am-ը երեկ փորձեց ՀՀԿ պատգամավոր Շուշան Պետրոսյանին մի քանի հարց ուղղել՝ սիրո, համերաշխության հեղափոխության, համաժողովրդական շարժման մասին:
Նա այս օրերին մի քանի գրառումներ է կատարել ֆեյսբուքում՝ փորձելով ցույց տալ, որ սա ոչ թե սիրո, այլ ատելության հեղափոխություն է: Մեր դիտարկմանը, որ շատ վրդովված գրառումներ եք կատարում՝ նա արձագանքեց. «Վրդովված չի, օբյեկտիվ է: Ինձ թվում է, որեւէ ադեկվատ մարդ այլ գնահատական տալ այդ «սիրո հեղափոխությանը» չի կարող: Ադեկվատ մարդկանց մասին է խոսքը»:
Հարցին՝ վստա՞հ եք, որ ձեզ հայհոյանքներ գրողները հենց Փաշինյանի կողմնակիցներն են՝ Շուշան Պետրոսյանը պատասխանեց. «Էդ շատ լավ տարբերակ է, էդ իր տարբերակն է, ինքն էլ է այդպես պատասխանում»:
Շարժման մասին Շուշան Պետրոսյանը չցանկացավ խոսել, ասաց. «Եթե պատիս հետեւում եք, ինձ թվում է ամեն ինչ ակնհայտ է, ուրիշ տարբերակ չկա»:
Նա հորդորեց իրեն հանգիստ թողնել եւ շատ ավելի հետաքրքիր, թիրախային մարդկանց գտնել. «Կներեք, պիտի դուռը փակեմ, որովհետեւ մրսում եմ»,- ասաց նա եւ աշխատասենյակի դուռը փակեց:
Հռիփսիմե ՋԵԲԵՋՅԱՆ
Շուշան Պետրոսյանի նկատմամբ համատարած այս վերաբերմունքը ես չեմ քաջալերում: Եկեք չմոռանանք, որ նա, նախ և առաջ, մայր է, կին է և տաղանադավոր երգչուհի: Որպես քաղաքական գործիչ նա, իհարկե, անհաջող պահեր շատ ունեցավ: Բայց եկեք մարդուն չսպանենք: Հիշենք, որ նրա զավակները պիտի ապրեն ազատ ու անկախ, նաև Արդարության Հայաստանում: Նորից եմ ասում քաղաքական ասպարեզում նա վրիպումներ և սխալներ թույլ տվեց, մեծամտացավ, անհաջող ելույթներ ունեցավ, բայց եկեք օգտվենք մեր ժողովրդի իմաստությունից. վարդը քաղենք, փուշը կրակենք: Իսկ վարդ կա, ավելի ճիշտ՝ վարդերի մի հիանալի փունջ կա նրա լավագույն կատարումների տեսքով:
Հ.Գ. Միանգամից ասեմ, որ նրա հետ ծանոթ չեմ:
https://www.youtube.com/watch?v=_LUJqw1SW1A