Տավուշի մարզպետարանի աշխատակազմից գրավոր տեղեկացել ենք, որ 2017թ. մարզի համայնքներում, նախնական տվյալներով, կատարվել է մոտ 2300 հեկտար աշնանացան: Մարզպետարան ուղարկած գրավոր հարցման մեջ խնդրել էինք հայտնել, թե մարզի որ համայնքում ինչքան աշնանացան է արվել: Մարզպետարանից հայտնել են. «Տեղեկատվություն ըստ համայնքների կտրամադրվի Ազգային վիճակագրական ծառայության Տավուշի մարզային գործակալության տարեկան հաշվետվության ամփոփումից հետո»:
Ըստ Տավուշի մարզպետարանի տվյալների` 2016թ.-ին Տավուշի մարզում աշնանացան ցորենի ցանքերը կազմել են 3012 , 2015-ին`5684 հեկտար: Պետությունը հացահատիկի սերմացուի, դիզելային վառելանյութի եւ ազոտական պարարտանյութի սուբսիդավորում է կատարում, սակայն Տավուշի մարզում աշնանացանի ցանքատարածությունները նվազել են:
Ոսկան ՍԱՐԳՍՅԱՆ
