«Ես դրանք բանակցություններ չէի անվանի, բայց աշխարհաքաղաքական կենտրոնները կողմ են, որ ինչ-որ երկխոսություն լինի Բաքվի եւ Երեւանի միջեւ»,-Aravot.am-ի հետ զրույցում Արցախյան հակամարտության կարգավորման բանակցային գործընթացի ներկայիս փուլն այսպես է բնորոշում Երեւանի մամուլի ակումբի նախագահ Բորիս Նավասարդյանը:
Թեեւ առաջիկայում նախատեսված է Հայաստանի եւ Ադրբեջանի նախագահների հանդիպում, նրա խոսքով՝ քիչ հավանական է, որ վճռական քայլ տեղի կունենա դեպի հակամարտության կարգավորում. «Ամեն դեպքում, այդ բանակցությունները նվազեցնում են պատերազմի հավանականությունը»:
Նավասարդյանի բնորոշմամբ՝ բանակցային սեղանին առկա՝ Կազանի փաստաթղթով ամրագրված կետերը մնում են արդիական. «Ադրբեջանը ցանկանում է տեսնել իր համար ցանկալի հերթականություն՝ առաջին քայլով որոշ տարածքների վերադարձ՝ առանց պարտավորությունների»:
Բորիս Նավասարդյանը բանակցային գործընթացում խնդիր է տեսնում. «Ադրբեջանը ցանկանում է ջնջել Վիեննայի եւ Սանկտ-Պետերբուրգի պայմանավորվածությունները»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
«Ադրբեջանը ցանկանում է տեսնել իր համար ցանկալի հերթականություն՝ առաջին քայլով որոշ տարածքների վերադարձ՝ առանց պարտավորությունների»: իզուր է ցանկանում
«Ադրբեջանը ցանկանում է ջնջել Վիեննայի եւ Սանկտ-Պետերբուրգի պայմանավորվածությունները»: շատ իզուր է ցանկանում
Ադրբեջանը գտնվում է թոյլ դիրքերում ուստի ժամանակն է որ Հայաստանը առանց որեվէ զիջումի պնդի Արցախի վերադարձը բանակցություններին եվ ադրբեջանի վերադարձը նախաապրիլյան սահմանին.