![\"\"](\"https://www.aravot.am/2007/aravot_arm/May/26/p1.jpg\")
Վերջին տարիներին դպրոցների շրջանավարտները «Վերջին զանգի» ժամանակ ինքնահաստատվում են ոչ թե դպրոցում ստացած գիտելիքներով, այլ շքեղ հագուստներով, մեքենաներով եւ խնջույքներով: Լուսանկարում պատկերված դեռահասների հետ, բարեբախտաբար, ոչինչ չի պատահել: Բայց համընդհանուր ցուցամոլության պայմաններում պատահարներն անխուսափելի են: Երեկ, ժամը 18:30-ի սահմաններում, Երեւանի Թբիլիսյան խճուղում իրար են բախվել «ԳԱԶ-24» եւ «Մերսեդես» մակնիշի ավտոմեքենաները: «Մերսեդեսի» մեջ եղել են 17-18 տարեկան 5 ուղեւորներ (հավանաբար՝ շրջանավարտներ), ովքեր տարբեր մարմնական վնասվածքներով տեղափոխվել են հիվանդանոց: Վարորդի կյանքը փրկել չի հաջողվել: