Բուլղարիայում ավարտվեց նետաձգության Եվրոպայի գավաթի «Grand Prix» խաղարկությունը: Հայաստանի ազգային հավաքականի անդամ Արշակ Պետրոսյանը Մ-1 վարժությունում խոցելով 104 միավոր՝ արժանացավ երրորդ մրցանակային տեղին: Նա զիջեց միայն հաղթող դարձած Լորենցո Ջիորիին (Իտալիա) եւ երկրորդ տեղն զբաղեցրած մալայզիացի Տահիլ Մոհադին:
Սա անկախ Հայաստանի նետաձգության պատմության մեջ առաջին մեդալն է, որ մեր մարզիկը նվաճում է Եվրոպայի պաշտոնական մրցումներում:
Մեր ընտրանին Սոֆիայից մեկնել է Բաթում, որտեղ ութօրյա ուսումնամարզական հավաք է անցկացնելու: Այնուհետեւ հայ նետաձիգները մեկնելու են Անթալիա, որտեղ հունիսի 3-ին մեկնարկելու է Եվրոպայի առաջնությունը:
