Լիարժեք սիրո համար խոչընդոտ կարող են հանդիսանալ
1. Դավաճանությունը. հեշտ չէ վերականգնել կորցրած վստահությունը:
2. Աշխատանքային հոգսերը. շատ հաճախ սթրեսների պատճառ են դառնում ծանր աշխատանքն ու թոշակի անցնելը:
3. Փողը. եթե ամուսիններից մեկը ծախսող է, իսկ մյուսը՝ ժլատ, ապա ձեր միության մեջ անխուսափելի են կոնֆլիկտները:
4. Դառնության զգացումը. այն կաթիլ-կաթիլ կուտակվելու միտում ունի. «Ինչո՞ւ պիտի շարունակ քո հետեւից հավաքեմ կեղտոտ գուլպաներդ…»: Ու սկսվում է…
5. Տարբերությունները. որքան տարիքային մեծ տարբերություն, նույնքան տարբեր հետաքրքրություններ, տարբեր ապրելակերպ. այս բոլորը թաքնված խոչընդոտներ են:
6. Վատ հակումները. դաժանությունը կամ հարբեցողությունը (նաեւ՝ այլ բացասական երեւույթներ) ընդունակ են սպանել ցանկացած, նույնիսկ՝ ամենամեծ զգացմունքները:
7. Ինտիմ հարաբերություններում առկա խնդիրները. սեռական անհամատեղելիությունը անհաղթահարելի պատնեշ է:
8. Երեխայի ծնունդը. այս իրադարձությունը փոխում է դերերի բաշխումն ընտանիքում. ամուսինը կարող է խանդել կնոջը երեխայի նկատմամբ, եւ… ավելի մեծ ուշադրություն պահանջել:
9. Անուշադրությունը. եթե ձեզնից մեկն ընդունակ է մոռանալ մյուսի տարեդարձը, եթե դուք միշտ ուշանում եք ժամադրությունից, անուշադիր եք նրա եւ նրա խնդրանքների նկատմամբ, լավ վերաբերմունք մի՛ սպասեք:
10. Խռմփոցը. դա ահավոր է՝ նույնիսկ հրեշտակը չի դիմանա: