Գունագեղ հրավառություն Սիդնեյի Օպերայի տան վերեւում, 1-ը հունվարի, 2012թ․
Այս գիշեր միլիարդավոր մարդիկ ամբողջ աշխարհում հրավառություններով, տոնական լուսավորությամբ եւ զանգերի ղողանջով դիմավորեցին 2012 թվականը։
Սիդնեյում տոնը նշանավորվեց աննախադեպ հրավառությամբ, որը վերնագրված էր՝ «Երազանքի ժամանակը»։
Դուբայում տոնական լուսավորությամբ զարդարվել էր աշխարհի ամենաբարձրահարկ շենքը՝ Բուրջ Խալիֆա երկնաքերը։
Տոկիոյի կենտրոնում մարդիկ փուչիկներ բաց թողեցին դեպի երկինք, որոնց կապել էին իրենց ամանորյա մաղթանքներով գրությունները։
Կարդացեք նաև
Լոնդոնում, Թեմզայի ափին կազմակերպված հրավառությանը շուրջ քառորդ միլիոն մարդ էր հետեւում։
Բեռլինում, Փարիզում, Մոսկվայում եւ աշխարհի այլ մայրաքաղաքներում հարյուր հազարավոր մարդիկ Նոր Տարին դիմավորեցին կենտրոնական հրապարակներում եւ փողոցներում։
Նյու Յորքի Թայմս սքվերում, ավանդույթի համաձայն, Ամանորը դիմավորեցին բյուրեղապակե գնդի իջեցմամբ։
Երեւանի Հանրապետության հրապարակում տոնական միջոցառումները մեկնարկեցին եռաչափ գրաֆիկական շոու ծրագրով եւ տոնական համերգով։ Իսկ ուղիղ կեսգիշերին մայրաքաղաքի երկինքը լուսավորեց տոնական հրավառությունը։
