«Շատ լավ: Ես իրենց տան անդամ եմ»,- Aravot.am-ի հարցին այժմ ի՞նչ հարաբերությունների մեջ եք Վազգեն Սարգսյանի ընտանիքի հետ, հաճա՞խ եք այցելում նրանց, ասաց ՀՀ պաշտպանության նախկին փոխնախարար Աստվածատուր Պետրոսյանը, որն այժմ ԱԻՆ համակարգում Հայաստանի փրկարար ծառայության տնօրենի տեղակալն է:
Հետաքրքրվեցինք՝ Աստվածատուր Պետրոսյանին չի՞ խանգարում այն, որ Վազգեն Սարգսյանի եղբայրը՝ Արամ Սարգսյանը ներկայումս ընդդիմության դաշտում է, ՀՀ առաջին նախագահի կողքին, իսկ Աստվածատուր Պետրոսյանը՝ գործող իշխանության. «Ամեն մեկն իր տեղն է: Ես այնքանով եմ շփվում ընտանիքի հետ, որքանով Վազգեն Սարգսյանի ընտանիքն է: Ես չեմ մտնում որեւէ կուսակցության մեջ: Ես իմ հայացքներն ու իմ դիտակետն ունեմ ու դրանք ինձ չեն խանգարում ընկեր լինել Արմեն Սարգսյանի հետ, շփվել Զավեն հայրիկի կամ Գրետա մայրիկի հետ: Նրանց հետ մենք այլ շփման եզրեր ունենք. դա մի կյանք է, որը մենք անցել ենք միասին: Կուսակցական հարցերով մենք չենք շփվում»:
Նելլի ԳՐԻԳՈՐՅԱՆ
Աստվածատուր Պետրոսյանի հետ զրույցը բանակի թեմայով՝ կարդացեք վաղվա «Առավոտում»
