«Մինչեւ Ջհանգիրյանի ելույթի անգլերեն տարբերակը ես չստանամ՝ խոստանում եմ այդ զեկույցի մասին կարծիք չգրել»,-այսպիսի խոստում է տվել ԵԽԽՎ հայաստանի հարցերով համազեկուցող Ջոն Պրեսկոտը՝ ՀԱԿ իրավական հանձնախմբի ղեկավար Գագիկ Ջհանգիրյանի հետ հանդիպման ժամանակ, որի թեման եղել է Հատուկ քննչական ծառայության՝ անցյալ տարեվերջին, մարտի 1-2-ի իրադարձությունների վերաբերյալ հրապարակած հաղորդումը: Այդ մասին այսօր մամուլի ասուլիսում հայտարարեց Գագիկ Ջհանգիրյանը:
«Ես չեմ ուզում ձեզ հիասթափեցնել: Միգուցե ինչ-որ բան փոխվի, բայց այն, որ Հայաստանի վերաբերյալ վերջին 18.37 բանաձեւի մեջ, ըստ էության, քողարկված դրված էր եւ այժմ էլ կա, 10 սպանությունների չբացահայտելու , այսպես ասած, «թույլտվությունը»՝ ակնհայտ է»,- ասաց նա:
Լրագրողներից մեկի հարցին՝ այդ դեպքում ո՞ւր մնաց Սերժ Սարգսյանի՝ անցած տարվա ապրիլին ՀՔԾ-ին տված հանձնարարականը, բանախոսը պատասխանեց, որ այս հաղորդումն ընդամենը ԵԽԽՎ 1837 բանաձեւի պահանջի կատարումն է: Այդ պահանջը կատարելու միտումով՝ հաղորդում է ներկայացվել, քննարկելու բան չկա, նոր բան չեն արել: «Ավելին ասեմ, ըստ էության, սրանով իշխանություններն իրենց համար փակում են «մարտի 1»-ը»,- հայտարարեց Ջհանգիրյանը:
Նելլի ԳՐԻԳՈՐՅԱՆ
Կարդացեք նաև
