Ֆիլիպինցի Մեննի Պակյաոն, որ աշխարհի լավագույն բռնցքամարտիկն է՝ անկախ քաշային կարգից, խիստ քննադատել է Բարակ Օբամային՝ միասեռ ամուսնություններին ակտիվ աջակցելու համար:
«Հետեւեք Աստծո օրենքներին, մինչեւ մարդու ձեռքով գրված օրենքները քննարկելը, – հայտարարել է բռնցքամարտիկը, որը համոզված կաթոլիկ է: – Ես սեռական փոքրամասնությունների ներկայացուցիչներին ասելու ոչինչ չունեմ, սակայն դեմ եմ միասեռ ամուսնություններին»:
Հետաքրքիր է, որ «Պակմենը» ժամանակին ինքն էր հաճախ խախտում Աստծո սահմանած բարոյական նորմերը՝ չարաշահելով ալկոհոլը, տարվելով մոլախաղերով: Նրա անվան հետ կապված այսպիսի սկանդալային պատմությունների պակաս չի եղել: Սակայն վերջերս Պակյաոն ապաշխարել է եւ հրաժարվել վնասակար սովորություններից:
Աշոտ ՀԱԿՈԲՅԱՆ
