Հատված Հայ ազգային կոնգրեսի ներկայացուցիչ, նախկին քաղբանտարկյալ Դավիթ Մաթեւոսյանի հարցազրույցից:
– Ինչ է կարողանալու Կոնգրեսը հակադրել իշխանական քարոզչամեքենային: Վերջին շրջանում հատկապես խոսվում է Կոնգրեսի ներսում լարվածության, կարեւորագույն քաղաքական հարցերում կոնսենսուսի բացակայության մասին։ Խոսքը հատկապես նախագահական ընտրություններում ԲՀԿ–ի հետ հնարավոր համագործակցության մասին է, ինչի մասին հնչեցրել է Լեւոն Զուրաբյանը։ Ի՞նչ կասեք այս կապակցությամբ։
– Այդ գեբելսական քարոզչությանը հակադարձելու միակ ձեւն այն է, որ գտնենք այն բանալին, որը կապահովի հասարակության պոռթկումը։ Այդ բանալին Հայ ազգային կոնգրեսի եւ ԲՀԿ-ի համագործակցությունն է առաջիկա նախագահական ընտրություններում, որը իմ կարծիքով հաղթական սցենար է մի պարագայում՝ եթե միասնական թեկնածուն լինի Լեւոն Տեր-Պետրոսյանը։ Ինչ վերաբերում է ԲՀԿ-ի հետ համագործակցության մասին այս կոնտեքստում Լեւոն Զուրաբյանի հայտարարություններին, ապա վստահ եմ, որ դրանք բխում են Կոնգրեսի Քաղխորհրդի որոշումներից եւ արտահայտում են Լեւոն Տեր-Պետրոսյանի վարած քաղաքականաթյան էությունը։
– Բայց անընդհատ հայտարարում են, թե Կոնգրեսում հակադիր կարծիքներ գոյության ունեն, որ նույնիսկ շատ լուրջ հակասություններ կան։
Կարդացեք նաև
– Ընդհանրապես, կարծիք ունենալու եւ արտահայտելու հնարավորությունը Կոնգրեսի գլխավոր հարստություններից մեկն է։ Ես ուղղակի համոզմունք ունեմ, որ ամենահակադիր երկու կարծիք քննարկելու դեպքում կարելի է հղկել եւ ձեռք բերել նաեւ դրա ընդհանուր հայտարարը, որը կհանդիսանա նպատակասլաց քաղաքական գործունեության շարժիչ ուժը, ինչը եւ կարող է նշածս պոռթկման համար բավարար պայման դառնալ։
Քրիստինե ԽԱՆՈՒՄՅԱՆ
«Չորրորդ ինքնիշխանություն»
