Այսօր «Արմատ» ակումբում արաբագետ Սարգիս Գրիգորյանը անդրադարձավ սիրիական կոնֆլիկտի տարածման վտանգին, տարածաշրջանում Սիրիային աջակցող երկրների եւ հակասիրիական տրամադրություններ ունեցող երկրների միջեւ հակասությունների սրման հետագա սցենարներին ու կոնֆլիկտի հանգուցալուծման սցենարներին ու ժամկետներին:
Գրիգորյանը խոսելով Ասադի հայտարարություն մասին, նշեց. «Ասադի ելույթը որոշակի մեսիջ էր, որ Դամասկոսի հետ կապված պայքարը բավականին լուրջ ընթացք է ունենալու եւ Բաշարը գնալու է մինչեւ վերջ: Ասադի ելույթը ընդամենը ցույց տվեց, որ նրանք ովքեր պայքարում են՝ Սիրիան դավաճանած ուժերն են: Բացի այդ՝ մի կարեւոր բան է տեղի ունեցել. այն 48 իրանցի ռազմագերիները, որոնց ընդդիմադիրները պահում էին, բանակցությունների արդյունքում փոխարինվել են 2000-ից ավելի գերեվարված ընդդիմադիրի հետ, իսկ սա երկխոսության նշույլներ է պարունակում»:
Հնարավո՞ր է արդյոք խնդրի լուծումը դրվի բանակցությունների սեղանին՝ Գրիգորյանը ասաց. «Չեմ կարծում, որովհետեւ զարգացումներն այն աստիճանի են հասել, որ միակ լուծումը ռազմական ճանապարհն է: Բանակցությունների տարբերակներ կարող են լինել, ասենք Ասադի եւ ներքին սիրիական ընդդիմության միջեւ, որը բաշարյան պրոեկտ է, ցույց տալու համար, որ երկխոսություն է ընթանում, սակայն արտաքին ընդդիմության հետ, որը ֆինանսավորվում է արտաքին ուժերի կողմից, բանակցությունների մասին խոսելը անիմաստ է Բաշարի եւ այդ ընդդիմադիր խմբավորումների միջեւ: Եվ այն 2000 հոգին, որոնք ազատագրվել են, նրանք եթե գերեվարվել են, հաստատ լավ բաների համար չեն գերեվարվել, ծայրահեղ իսլամականներ են: Կարծում եմ եւս 2000 հոգի այժմ ավելացավ կռվողների շարքերում»:
Կարդացեք նաև
Եվա ՀԱԿՈԲՅԱՆ
