Լրահոս
Օրվա լրահոսը

Խոշոր ավտովթար Տավուշի մարզում. կա 6 վիրավոր, այդ թվում և զինվորներ

Ապրիլ 28,2013 10:23

Այսօր՝ ապրիլի 28-ին, խոշոր ավտովթար է տեղի ունեցել Տավուշի մարզում: Ժամը 03:15-ի սահմաններում Իջևան-Կայան ավտոճանապարհի 15-րդ կմ-ին բախվել են Տավուշի մարզի Ազատամուտ գյուղի բնակիչ 30-ամյա Էդգար Գասպարյանի վարած УАЗ 409 մակնիշի 19 ԼԼ 343 համարանիշի և Պառավաքար գյուղի բնակիչ, 18-ամյա Սարգիս Չիթչյանի վարած Opel Vectra մակնիշի 09 ՍՕ 681 համարանիշի ավտոմեքենաները:

Ինչպես հայտնում է shamshyan.com-ում ֆոտոլրագրող Գագիկ Շամշյանը, վթարի հետևանքով երկու վարորդներն ու Opel Vectra-ի ուղևորներ՝ Պառավաքար գյուղի բնակիչներ 19-ամյա Գևորգ Եսայանը, 17-ամյա Աշոտ Բրուտյանը, 17-ամյա Սարգիս Հովհաննիսյանը և 18-ամյա Արտակ Զոհրաբյանը մարմնական վնասվածքներով տեղափոխվել են Իջևանի բժշկական կենտրոն:

Վթարի վայր են ժամանել ճանապարհային ոստիկանության 2-րդ սպայականը գումարտակի 4-րդ վաշտի աշխատակիցները՝ վաշտի հրամանատար Սերգեյ Հակոբյանի հրամանատարությամբ:

Դեպքի վայրում աշխատել են նաև ոստիկանության Իջևանի բաժնի և ոստիկանության քննչական գլխավոր վարչության Տավուշի մարզի քննչական բաժնի Իջևանի քննչական բաժանմունքի քննիչները:

Ֆոտոլրագրողը հայտնում է, որ վիրավորներից Է.Գասպարյանը և Գ.Եսայանը պայմանագրային զինծառայողներ են, իսկ Ս. Չիթչյանը, Ա. Բրուտյանը, Ա. Զոհրաբյանը և Ս. Հովհաննիսյանը Պառավաքարի միջնակարգ դպրոցի աշակերտներ են:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2013
Երկ Երե Չոր Հնգ Ուրբ Շաբ Կիր
« Մար   Մայիս »
1234567
891011121314
15161718192021
22232425262728
2930