Տրանսպորտի թանկացմանն ուղղված ակցիան շարունակվում է, այսօր մեծ թվով ավտոմեքենաներ անվճար սպասարկում էին քաղաքացիներին, տարբեր ուղղություններով, ընդ որում՝ իրենք մոտենալով կանգառներին՝ առաջարկում էին ուղեւորներին անվճար տեղափոխել:
Ի զարմանս շատերի, ակցիայի մի մաս են դարձել նաեւ տաքսու վարորդները, որոնք անվճար սպասարկում են ուղեւորներին:
Այսօր 47 համարի ավտոբուսը կանգ առնելով Օպերայի կանգառում, ոգեւորվեց ակտիվիստների հորդորներից ու պոկեց փակցված «150»-ը: Նա հայտնեց, որ եթե նույնիսկ փակցված էր, թե պետք է վճարեն 150 դրամ, միեւնույն է՝ մարդիկ 100 էին տալիս: Նա նաեւ հայտնեց, որ գների բարձրացումից հետո իրենց պլանը չի բարձրացել:
Իսկ 1 համարի ավտոբուսի վարորդը ընդհարվեց ակտիվիստների հետ, որոնք փորձում էին ավտոբուսի վրա ուղեվարձը «100 դրամ» է թղթեր փակցնել: Նա դուրս եկավ ավտոբուսից, վիճեց, առաջարկեց մտնել ներս, իրենց թղթերը բաժանել, հորդորել, բայց ոչինչ չփակցնել, պատճառաբանելով, որ ավտոբուսի վրա գովազդ է պատկերած, իսկ ակտիվիստներն այդ կերպ ազդում են դրա վրա:
Կարդացեք նաև
Եվա ՀԱԿՈԲՅԱՆ
