Կենտրոն եւ Նորք-Մարաշ վարչական շրջանների ընդհանուր իրավասության դատարանում, դատավոր Արշակ Վարդանյանի նախագահությամբ, այսօր քաղաքագիտության դոկտոր Արկադի Վարդանյանի, ԱրսենԱվետյանի եւ Վարուժան Սավդալյանի դեմ հարուցված քրեական գործով անդրանիկ դատական նիստին դատարան ներկայացած վկաներից հարցաքննվեցին երեքը:
Վկաները բժիշկներ էին, որոնցից մեկը փորձագետ էր, որը նախաքննության ժամանակ պարզաբանում էր տվել այս գործով տուժող Ռոբերտ Ավետյանի դեմ օգտագործվելիք «ազալեպտին» հոգեմետ դեղահաբի վերաբերյալ:
Վկաներից մեկն էլ Ավանի հոգեբուժարանի բժիշկն էր:
Ըստ մեղադրական եզրակացության, որը հրապարակեց դատախազ Արամ Ամիրզադյանը, Վարուժան Սավդալյանը իր ուղեւորին, որը հաշվառված էր հոգեբուժարանում, տանելով Ավանի հոգեբուժարան, նրանից էր խնդրել ձեռք բերել երեք դեղահաբ, այնուհետեւ նույնքան պատվիրել էր:
Կարդացեք նաև
Վկաներից մեկն էլ Արկադի Վարդանյանին բուժող բժիշկն էր, որից հեռախոսով Վարդանյանը հարցրել էր տվյալ դեղահաբի մասին:
Հիշեցնենք, որ ամբաստանյալները մեղադրվում են Ռոբերտ Ավետյանի՝ Արսեն Ավետյանի հոր սպանությունը նախապատրաստելու, թմրանյութի իրացման եւ հանցագործության նախապատրաստման մասին չհայտնելու համար:
Հաջորդ դատական նիստը նշանակվեց հոկտեմբերի 8-ին:
Ռուզան ՄԻՆԱՍՅԱՆ
