Դատապարտյալների հիվանդանոցում մեկ ժամ է տևել նոյեմբերի 5-ից ձերբակալված Շանթ Հարությունյանի և նրա պաշտպան Ինեսա Պետրոսյանի տեսակցությունը: Այսօր պաշտոնապես նրանք ծանոթացել են դատահոգեբուժական փորձաքննության եզրակացությանը, որով Շանթ Հարությունյանը ճանաչվել է մեղսունակ: Aravot.am-ի հետ զրույցի ժամանակ Ինեսա Պետրոսյանն ասաց, որ դեռ երկու շաբաթ էլ նա կկազդուրվի, կհետազոտվի:
Շանթ Հարությունյանը շնորհակալություն է հայտնել տեղի վարչակազմին, որոնք բարելավել են արդեն պայմանները, շնորհակալություն է հայտնել նաև լրատվամիջոցներին, որոնք պարբերաբար անդրադառնում են իր խնդրին:
