Ռուսաստանի Դաշնությունում «Տեղեկատվության ազատության» մասին օրենքում փոփոխություններ են եղել: Արդեն երեկվանից արգելափակվել են չորս կայքեր: Հայտնում է interfax.ru-ն:
Այս մասին իր անհանգստությունն է հայտնել բլոգեր Իլյա Վարմալովը. «Նրանց համար, ովքեր չգիտեն. հիմա կայքերը կարող են արգելափակել՝ առանց դատարանի եւ առանց քննության, միայն զանգով: Չավեշտ է, որ առաջինը հարվածի տակ է ընկել մեր սիրելի «Կենդանի մատյանը» (Живой Журнал)»,- գրում է բլոգերը եւ ավելացնում, որ ըստ նոր օրենքի՝«մինչդատական արգելափակման» տակ կլինեն այն կայքերը, որոնք կհրապարակեն զանգվածային անկարգություններ, ծայրահեղ գործունեություններ, զանգվածային միջոցառումներին մասնակցել հրահրող կոչեր:
Տեղեկատվության հակաօրինական լինելը որոշում է դատախազությունը, որից այդ տեղեկատվական ռեսուրսի փակման հարցում է ուղարկում Ռուսաստանի Կապի, տեղեկատվական տեխնոլոգիաների եւ զանգվածային հաղորդակցության դաշնային ծառայություն:
«Հիմա կարող են փակել յուրաքանչյուր կայք, եթե չինովնիկին այն դուր չգա»,- գրել է Իյլա Վալմալովը: