«Ժառանգություն» խմբակցության պատգամավոր Ռուբիկ Հակոբյանը Տիգրան Սարգսյանի հրաժարականը պայմանավորում է քառյակի կոնսոլիդացիայով ու ճնշումներով, բայց հետագա անելիքների մասով մանրամասներ միայն այսօր կարող է ներկայացնել, քառյակի քննարկումից հետո։ «Անշուշտ, այդ հանգամանքը եւս պետք է հաշվի առնել՝ ոչ իշխանական ուժերի համագործակցությունը եւ, բնականաբար, երկրի սոցիալ-տնտեսական ծայրահեղ ծանր իրավիճակը, բայց ասեմ, որ երբեք վարչապետի անձի մասին խոսք չի եղել։ Միշտ ասել ենք՝ ամբողջական իշխանափոխություն։ Մենք միասնական տեսակետ կարտահայտենք վաղը»։
Հնարավո՞ր է քառյակի ընտրյալին էլ վարչապետ նշանակեն, ու պայքարն այսքանով ավարտվի։ «Մենք այդպես խնդիր չենք դրել ու վարչապետի առաջարկություն չենք անի, կառավարության հրաժարականին պետք է նախորդի այլընտրանքային ծրագիրը, որը պետք է ունենա քաղաքական ու սոցիալական բաղադրիչ։ Այս փաթեթով էինք մենք պատրաստվում ներկայանալ ամսի 28-ի խորհրդարանական նիստին։ Վարչապետի անձի հրաժարականով ոչինչ չի փոխվի»,- խոսքն ավարտեց Հակոբյանը։
Գայանե ՍԱՐԻԲԵԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
