Անկախ պետությունների համագործակցության գագաթնաժողովը աշնանը կանցկացվի Մինսկում, ԱՊՀ երկրների արտաքին գործերի նախարարների խորհրդի նիստից հետո հայտարարել է Բելառուսի ԱԳ նախարար Վլադիմիր Մակեյը: Փոխանցում է «ՌԻԱ Նովոստի»-ին:
«Բելառուսը հետխորհրդային տարածքում ինտեգրման գործընթացների ակտիվ մասնակից է, այդ իսկ պատճառով մենք համաձայնել ենք մեր վրա վերցնել այս տարվա նախագահությունը և մեզ մոտ անցկացնել այս տարվա մայիսի վերջին կայանալիք կառավարությունների ղեկավարների խորհրդի նիստը, և այս տարվա աշնանը՝ պետությունների ղեկավարների և արտաքին գործերի նախարարությունների խորհուրդների նիստերը», – հայտնել է Մակեյը:
Ի սկզբանե գագաթնաժողովը պետք է անցկացվեր Կիևում, սակայն Ուկրաինան 2014թ. հրաժարվեց ԱՊՀ նախագահությունից: Ուկրաինայի իշխանափոխությունից հետո նշանակված ազգային անվտանգության և պաշտպանության քարտուղար Անդրեյ Պարուբին հայտնել էր, որ Ուկրաինան մտադիր է ընդհանրապես հրաժարվել ԱՊՀ անդամակցությունից:
Պատրաստեց Հովհաննես ԻՇԽԱՆՅԱՆԸ
