Կողբում օծվեց եկեղեցի
Հունիսի 1-ին Տավուշի մարզի Կողբ գյուղի բարձունքում, Նոյեմբերյան – Կողբ ավտոճանապարհի եզրին հանդիսավորությամբ օծվեց «Սուրբ Հովհաննես ավետարանիչ» եկեղեցին, որը կառուցել է Տավուշի մարզպետ Հովիկ Աբովյանը: Միջոցառմանը ներկա էր նախագահ Սերժ Սարգսյանը, գործարար Միքայել Վարդանյանը, Տավուշի մարզից ԱԺ պատգամավորներ Հակոբ Հակոբյանը, Մարինա Մարաբյանը, ԱԺ ՀՀԿ խմբակցության քարտուղար Գագիկ Մելիքյանը, Տավուշի նախկին մարզպետ, քաղաքաշինության փոխնախարար Արմեն Ղուլարյանը, Նոյեմբերյանի քաղաքապետ Վանուշ Ամիրաղյանը, այլ պաշտոնատարներ, Նոյեմբերյան քաղաքի, Կողբ գյուղի քանի հազար բնակիչներ:
Ի դեպ, այսօր՝ հունիսի 1-ին լրացավ Հովիկ Աբովյանի ծննդյան 50-ամյակը, որի կապակցությամբ նա բազմաթիվ շնորհավորանքներ ստացավ: Հայ առաքելական եկեղեցու կողմից Հ. Աբովյանն արժանացավ «Սուրբ Գրիգոր Լուսավորիչ» շքանշանի: Եկեղեցու հարեւանությամբ բացվել էր մատաղի սեղան, որը ճաշակեցին տարածաշրջանի հարյուրավոր բնակիչներ եւ հյուրեր:
Ոսկան ՍԱՐԳՍՅԱՆ
Եկեղեցի կառուցելը լավ գաղափար է, սակայն մոլուցքի վերածված այս գործընթացն անօրինական և անաշխատ եկամուտներ ունեցողների այցեքարտի է վերածվել, որը համոզված եմ, երբևէ սրբավայր չի դառնա: Հավանաբար պարոնայք թալանչիներին թվում է, որ Աստծո տաճար կառուցելու համար թալանից մասնահանումն իրենց համար դեպի դրախտ ճանապարհ է հարթելու: Ինչևէ, հետաքրքիր իրավիճակ է ստեղծվել՝ անկախ լրագրողին չեն թողնում մանկապարտեզի բացմանը մասնակցել, ժողովրդի հետ չեն հանդիպում, նախագահը մարզպետից չի հարցնում թե իր, թեկուզև կարճ, սակայն պաշտոնավարման ընթացքում որևէ սահմանամերձ գյուղ այցելել է թե ոչ, մարզի խնդիրներին ծանոթացել է թե ոչ, ստեղծված իրավիճակը շտկելու համար որևէ ծրագիր ունի թե ոչ և մի շարք նմանատիպ այլ հարցեր: Այս ամենին կանդրադառնային, եթե պարոնայք իշխանավորներն հետաքրքրեր ժողովրդի առօրյան, իսկ նրանց համար, ցավոք կարևորն այն է, որ մարզն արդեն Արմեն Ղուլարյանին արժանի փոխարինող և վճարունակ մարզպետ ունի:
Հարգել Արման.
Համոզված եմ , որ Եկեղեցու բացմանը ներկա չեք եղել և պետք է Ձեզ վհատեցնեմ հավաստիացնելով, որ Ձեր համոզմունքները ուղղակի Ձեր ոչ այնքան վառ երևակայության արդյունք են…Քանզի այն ՍՐԲԱՏԵՂԻՆ ՈՐՏԵՂԻՑ ՄՈՄԻ ԾՈՒԽ Է ԵԼՆՈՒՄ արդեն իսկ ընդունված է ժողովրդի կողմից…Եվ ինչու եք Եկեղեցի կառուցելը կապում մարզպետի հետ?Ով է ասում, որ մարզպետն է Եկեղեցին կառուցել?Եկեղեցին կառուցել է Մարդ Հովիկ Աբովյանը, ով այժմ մարզպետ է:Ու Ձեր լրագրողական քիթը մի փորձեք խոթել մեր ժողովրդին այդքան անհրաժեշտ ՍՐԲԱՎԱՅՐ!!!!
Շատ մի տխրեք, աստված սիրեք,
Մի միլիոնն էլ հերթով շարեք,
Մոմ, ջահ, լապտեր, կերոն վառեք,
Հայոց փառքի պարը պարեք:
Կարևորը վանքերը չե*ն,
Կանգուն մնան, որ աղոթեն…