Նորաստեղծ քննչական կոմիտեի վարչական շենքի հիմնանորոգման ուղղությամբ աշխատանքներն արդեն սկսվել են։
Նշենք, որ կառավարության մայիսի 22-ի նիստում որոշվեց Քննչական կոմիտեին հատկացնել Երևանի Մամիկոնյանց 46/5 հասցեում գտնվող վարչական շենքը: Միաժամանակ 2014թ-ի բյուջեի պահուստային ֆոնդից տրամադրվեց 27 500 000 դրամ գումար՝ շենքի հիմնանորոգման նախագծանախահաշվային փաստաթղթերի մշակման նպատակով։
Բացի այդ, հաշվի առնելով հարցի հրատապությունը՝ քաղաքաշինության նախարարի առաջարկով կառավարությունը որոշեց թույլ տալ ՀՀ գնումների մասին օրենքով նախատեսված գնումներն իրականացնել բանակցային եղանակով։
Այսօր մեր թղթակիցը նկատել է, որ շենքում արդեն իսկ սկսվել է որոշակի աշխատանքների իրականացումը։ Մասնավորապես՝ ներսում սկսվել են քանդման աշխատանքները:
Սեփ.լր.