Մարդասիրական միջանցքն օգտագործվելու է Ուկրաինայի արևելքից խաղաղ բնակիչների անվտանգ տեղափոխության համար
Ուկրաինայի նախագահ Պետրո Պորոշենկոն կարգադրել է երկրի անվտանգության ուժերին ստեղծել մարդասիրական միջանցք խաղաղ այն բնակիչների համար, որոնք ցանկանում են լքել երկրի արևելյան շրջանները, որտեղ արդեն երկու ամիս է, ինչ չեն դադարում ռուսաստանամետ անջատողականների կողմից հրահրվող խռովությունները:
Պորոշենկոն երեքշաբթի օրը հրապարակված կարգադրության մեջ հանձնարարել է Ուկրաինայի անվտանգության ուժերին կազմակերպել վտանգավոր շրջաններից խաղաղ բնակիչների տեղափոխումը:
Ուկրաինայում ներքին տեղահանված անձանց մեծամասնությունը, որոնց թիվը, ըստ ՄԱԿ-ի գնահատականների, մայիս ամսին կազմել է մոտ 10 հազար մարդ, ավելի վաղ որևէ օգնություն չէին ստացել Կիևի կառավարության կողմից:
Կարդացեք նաև
Մանրամասները կարող եք կարդալ` «Ամերիկայի ձայն»-ի կայքում
