Կառավարության անցած շաբաթվա նիստում որոշվել էր 33 մլն դրամ հատկացնել Ազգային ժողովի նախագահ Գալուստ Սահակյանի համար ձեռք բերված «Տոյոտա Լենդ Քրուզեր» ջիփի դիմաց վճարում կատարելու համար։ Մանրամասներ ճշտելու համար «ՀԺ»-ն դիմել է ԱԺ՝ մասնավորապես ճշտելու, թե որքա՞ն է մեքենայի ամբողջական գինը, ԱԺ նախագահի ինչի՞ն է պետք նոր մեքենան, ինչո՞ւ նոր մեքենայի ձեռքբերման գինը չի ներառվել ՀՀ պետական բյուջեով ձեռք բերվող մեքենաների բյուջեում, այլ դրա դիմաց հիմա վճարվում է կառավարության պահուստային ֆոնդից։
ԱԺ-ից ընդամենը պատասխանել են, որ մեքենայի ամբողջական գինը 43 մլն 150 հազար դրամ է, որի մի մասը վճարվել է անցյալ տարի, մյուս մասը՝ այս տարի, ընդ որում, ըստ ԱԺ-ի ուղարկած պատասխանի, այդ գումարը վճարվելու է «2014 թվականի ՀՀ պետական բյուջեի միջոցների հաշվին Ազգային ժողովին հատկացված գումարներից առաջացած տնտեսումներից»։ ԱԺ-ից փոխանցում են, որ ԱԺ նախագահի նախկին մեքենան մնում է (հիշեցնենք, ԱԺ նախագահի վերջին սերնդի BMW–ն շատ թարմ էր, այդ նույն մեքենայից բյուջեի միջոցներով ձեռք էր բերվել 2 հատ. մեկը՝ վարչապետի, մյուսն ԱԺ նախագահի համար), իսկ նոր մեքենան նախատեսված է ձմեռային շրջանում շահագործելու, ինչպես նաեւ մարզային այցելությունների, նաեւ խորհրդարանի բարձրաստիճան հյուրերի համար:
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
մազոխիստ են լկտի ու ցուցամոլ այս ծանր սոցիալական վիճակում կարծես ժողովրդի նյարդերի վրա ջութակ նվագելիս լինեն դարձել են լկտի ու անպատկառ գոնե Աստծուց վախեցեք