Ճարտարապետ Գուրգեն Մուշեղյանը համաձայն չէ այն դիտարկմանը, որ եթե չգործող էստակադայի բազրիքները փլուզվել են, ուրեմն «Զվարթնոցի» հին շենքը սեյսմակայուն չէ եւ պիտանի չէ շահագործման։ «Եթե նույնիսկ փլուզվել է, ու վտանգավոր բաներ կան, դա դեռ չի նշանակում, որ ենթակա չէ վերականգնման, եւ բոլորովին չի նշանակում, որ սեյսմադիմացկուն չի։
Կարող է ժամանակի ընթացքում կոռոզիայի ենթարկված լինի ու փլվի, դա չի վերաբերում ամբողջ շենքին։ Հիմա եկեղեցին էլ կարող է մի բան լինել, փլվել, բայց դա չի նշանակում, որ այն պետք է քանդել, հակառակը՝ պետք է վերակառուցել։ Այնպես չէ, որ մի բանը մաշվում է, ուրեմն պիտանի չէ, ուրեմն այնպիսի խնամք պետք է տանեն, որ չհասնի այդ օրին, թող բարի լինեն՝ վերականգնեն։
Մշակութային արժեքները ենթակա են պահպանման, թե ինչ ձեւի կպահպանեն՝ կվերականգնեն, լավ կխնամեն, թե ինչ, դա արդեն հարցի մյուս կողմն է, իսկ օդանավակայանի պահպանման հարցն իր վրա պետք է վերցնի սեփականատերը»- ընդգծեց Մուշեղյանը։
Հիշեցնենք, որ բազմաթիվ քննարկումներից հետո «Զվարթնոց» օդանավակայանի հին շենքի հարցը դեռ մնում է անորոշ։ Հետաքրքրական է նաեւ այն, որ օդանավակայանի հին ուղեւորային համալիրը ներառված չէ պատմամշակութային հուշարձանների ցանկում։
Սոնա ԱԴԱՄՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
