Այսօր՝ հոկտեմբերի 2-ին, Վարչական դատարանում դատավոր Ռաֆիկ Խանդանյանը (լուսանկարում) հրապարակեց քաղաքացիական ակտիվիստ Վարդգես Գասպարիի գործով վճիռը: Այդ վճռով դատարանը բավարարեց ոստիկանության՝ ոստիկանության ներկայացուցչին վիրավորելու հայցը, եւ մերժեց Գասպարիի հակընդդեմ հայցը, այն էր՝ ոչ իրավաչափ համարել ոստիկանության գործողությունները:
Ըստ այդ վճռի՝ դատարանը 50 հազար դրամ վարչական պատասխանատվության ենթարկեց քաղաքացիական ակտիվիստին: Նշենք՝ վճռի հրապարակմանը չէին ներկայացել ո՛չ Վարդգես Գասպարին, ո՛չ էլ իր ներկայացուցիչները:
Aravot.am-ը փորձեց խոսել ոստիկանության ներկայացուցիչ Մարթա Մելիքսեթյանի հետ, սակայն վերջինս հրաժարվեց պատասխանել մեր հարցերին:
Aravot.am-ը զրուցել է Վարդգես Գասպարիի հետ, զրույցը՝ ավելի ուշ:
Կարդացեք նաև
Ամի ՉԻՉԱԿՅԱՆ
