Այն բանից հետո, երբ «Մաստեր քարտ» միջազգային վճարային համակարգի կայքում Ստեփանակերտն ու Շուշին տեղ էին գտել Հայաստանի բաժնում, Բաքուն սկսել է պահանջել, որ ընկերությունը դադարեցնի իր ծառայությունները Ղարաբաղում:
Ադրբեջանի և ԱՄՆ-ի ադրբեջանական սփյուռքի արշավի արդյունքում «Մաստեր քարտը» տեղի տվեց ու Հայաստանի բաժնից հանեց վերը նշված քաղաքները: Սակայն դա չի գոհացրել ԼՂՀ հարևաններին, քանի որ կայքում նշված չէ, թե արդյոք վճարային համակարգը շարունակո՞ւմ է գործունեությունը ազատագրված տարածքներում:
Ինչպես գրում է «ԱՊԱ»-ն, Ադրբեջանի արտաքին գործերի նախարարության հայտարարությունն այն մասին, որ «Մաստեր քարտը» իրավունք չունի գործել Ղարաբաղում առանց Ադրբեջանի թույլտվության և որ այն միջազգային իրավունքի նորմերի կոպիտ խախտում է», մնացել է անպատասխան:
Պատրաստեց Հովհաննես ԻՇԽԱՆՅԱՆԸ
