Ամերիկյան «Cable News Network» (CNN) հեռուստաընկերության կաբելային ցանցերով հեռարձակումը մինչև 2014թ. դեկտեմբերի 31-ը կդադարեցվի Ռուսաստանում, ծանուցումը ուղարկել է «Turner Broadcasting System Europe Limited » կաբելային ցանցեր կառավարող ընկերությունը, հայտնում է «Վեդոմոստի» պարբերականը:
Հեռարձակման դադարեցման պատճառը Ռուսաստանում ԶԼՄ-ների մասին օրենքի մեջ արված փոփոխություններն են:
«Ռուսաստանում լրատվամիջոցները կարգավորող օրենսդրության փոփոխությունների առիթով, «Turner International»-ը CNN-ի հեռարձակման համար Ռուսաստանում այլընտրանքային տարբերակներ են որոնում», – պարբերականին են հայտնել «Turner»-ի ներկայացուցիչները` հույս հայտնելով, որ ժամանակի ընթացքում իրենց կհաջողվի վերադառնալ շուկա:
2014թ. սեպտեմբերին Պետդուման լրատվամիջոցների վերաբերյալ օրենքում փոփոխություն էր կատարել, որը լրատվամիջոցներում օտարերկրյա կապիտալի մասնակցությունը սահմանափակում է մինչև 20 տոկոս:
Կարդացեք նաև
Պատրաստեց Հովհաննես ԻՇԽԱՆՅԱՆԸ
