ՄԱԿ-ի Զարգացման ծրագրի զեկույցը փաստում է, որ տարածաշրջանի մի շարք երկրներում, այդ թվում նաև՝ Հայաստանում, աղքատությունը խորանում է, իսկ հարուստների ու աղքատների միջև անհավասարության մակարդակը գնալով մեծանում է:
Հունվարի 21-22-ը Ստամբուլում անցկացված անհավասարությունների հարցերի շուրջ խորհրդաժողովում ներկայացված այս զեկույցը արձանագրում է՝ տնտեսական համակարգի անցումային երկրներում մեծանում են անհավասարությունը և աղքատությունը, տարածաշրջանի երկրների մեծ մասում կրճատվել է մարդկանց կյանքի միջին տևողությունը: Տաջիկստանում, Ղրղըզստանում, Վրաստանում և Հայաստանում բնակչության մեկ քառորդից մինչև մեկ երրորդը, այսինքն՝ 25-33 տոկոսը, ծայրահեղ աղքատ են:
ՄԱԿ-ի փորձագետները նշում են, որ տնտեսական անցումային այդ երկրներում «նոր աղքատների» ռիսկեր են առաջանում, նրանց թվում դասվում են կրթության, առողջապահության, գիտության և արվեստի, հանրային և գյուղատնտեսական բնագավառներում ցածր եկամուտներով աշխատողները: Նշվում է, որ աղքատության ռիսկը բարձր է հատկապես գյուղական շրջանների բնակիչների համար: Զեկույցի հեղինակները նշում են նաև, որ այդ երկրներում կրճատվել է կյանքի միջին տևողությունը՝ 1960-ականների համեմատ այդ երկրների բնակչության կյանքի միջին տևողությունը երկու տարով կրճատվել է:
Հրաչ Մելքումյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
