Վազգեն Սարգսյանի անվան ռազմական ինստիտուտի պետ գեներալ-լեյտենանտ Մարտին Կարապետյանը աշխատանքից ազատման դիմում է գրել: Այս մասին հայտնեցին NEWS.am-ի աղբյուրները:
Նախարար Սեյրան Օհանյանը ընդունել է դիմումը, սակայն այն պետք է հաստատի նախագահ Սերժ Սարգսյանը: Խնդիրն այն է, որ ռազմական ինստիտուտի պետն աշխատանքից ազատվում է նախարարի հրամանով: Ինչ վերաբերում է ռազմական ինստիտուտի անձնակազմի մյուս անդամներին, ապա նրանք կհեռացվեն աշխատանքից, ոմանց կազատի նախարարը, ոմանք՝ իրենց դիմումների համաձայն: Գործընթացը սկսված է:
Նշենք, որ Երևանի Վազգեն Սարգսյանի անվան ռազմական ինստիտուտում հունվարի 29-ին տեղի ունեցած միջադեպից հետո հրավիրված արտահերթ խորհրդակցությունն ունեցել է նաեւ գաղտնի մաս, որը չի հրապարակվել: Խորհրդակցությանը մասնակցած մեր աղբյուրը պատմեց, որ Սեյրան Օհանյանը հայտարարել է, որ ինստիտուտի ամբողջ ղեկավար կազմը փոխվելու է, պաշտոններից կհեռանան մոտ 3-4 տասնյակ անձինք՝ այդ թվում պետ, տեղակալներ, ամբիոնի պետեր, գումարտակի, վաշտի հրամանատարություն, համալրման պատասխանատուներ, հոգեբաններ, այսինքն՝ բոլոր այն անձինք, որոնք ուղղակի կամ անուղղակի կապ են ունեցեծ տեղի ունեցածի հետ:
Կարդացեք նաև
Նյութի մանրամասները կարդացեք սկզբնաղբյուր կայքում
