Վերջին շրջանում Հայաստանից Ռուսաստան արտահանողները լուրջ խնդիրների առաջ են կանգնել՝ փոխարժեքի պատճառով։ Քանի որ ռուսական ռուբլին ավելի մեծ չափով է արժեզրկվել դոլարի նկատմամբ, քան հայկական դրամը, հայկական ապրանքները ՌԴ շուկայում դարձել են ոչ մրցունակ։ Մի շարք տնտեսագետներ խնդիրը լուծելու համար առաջարկում են ռուբլուն համարժեք արժեզրկել դրամը՝ մինչ 650-700 դրամ՝ 1 դոլարի դիմաց։ Սակայն որքան էլ տարօրինակ թվա՝ վերջին 15 տարիների մեծ մասը Հայաստանից Ռուսաստան արտահանման աճի տեմպը միշտ ավելի բարձր է եղել, քան Ռուսաստանից ՀՀ ներմուծման աճի տեմպը՝ անկախ փոխարժեքից։ Դա առավել ակնառու երևում է 2005-2008 ժամանակահատվածում, երբ դրամն արժևորվել է ռուսական ռուբլու նկատմամբ, սակայն արտահանման տեմպը ավելի բարձր է եղել (բացառությամբ 2006 թվականի)։
Այսինքն՝ ՌԴ-ի հետ մեր առևտրի վրա այլ գործոնները՝ աշխարհաքաղաքական և այլ բնույթի, թերևս ավելի մեծ ազդեցություն ունեն, քան փոխարժեքը։ Փոխարենը, Ռուսաստանի հետ մեր արտաքին առևտուրը մեկ այլ օրինաչափություն ունի՝ 5 տարին մեկ այն անկում է ապրում է (թե ներմուծումը, թե արտահանումը)։ Անկում արձանագրվել է 2004-ին, 2009-ին և 2014-ին (չնայած այս անգամ երևի օրինաչափությունը խախտվի, քանի որ այս տարի ևս անկում է գրանցվելու)։
Հոդվածն ամբողջությամբ կարող եք կարդալ «168 Ժամ» թերթի այսօրվա համարում
