«Անհրաժեշտ է լրջորեն դիտարկել Հայաստանին խաղաղության պարտադրելու մեխանիզմներ, այդ թվում՝ պատժամիջոցներ»,- մեկնաբանելով Հայաստանի ԱԳ նախարար Էդվարդ Նալբանդյանի կողմից Ադրբեջանի հասցեին հնչեցված մեղադրանքները՝ ադրբեջանական «Trend» գործակալությանը ասել է Ադրբեջանի ԱԳՆ մամուլի ծառայության ղեկավար Հիքմեթ Հաջիեւը:
«Կցանկանայի Հայաստանի արտաքին գործերի նախարարներին հիշեցնել, որ հակամարտության կարգավորման վերաբերյալ ԵԱՀԿ Մինսկի խմբի համանախագահների դիրքորոշումը հիմնվում է ԵԱՀԿ Մինսկի խմբի մանդատի վրա, որն ընդունվել է 1995 թվականի մարտի 23-ին Բուդապեշտում: Իսկ փաստաթղթերի հիմքն են կազմում ՄԱԿ-ի կանոնադրությունը, Հելսինկյան եզրափակիչ ակտը եւ ՄԱԿ-ի Անվտանգության խորհրդի բանաձեւերը»,- նշել է նա:
Հաջիեւը ասել է, որ եթե Հայաստանի ԱԳ նախարարը պնդում է, որ Երեւանի դիրքորոշումը համապատասխանում է միջազգային հանրության եւ ԵԱՀԿ Մինսկի խմբի դիրքորոշումներին, ապա Հայաստանը պետք է անմիջապես զորքերը հանի Լեռնային Ղարաբաղից եւ սկսի Մեծ խաղաղության համաձայնագրի պատրաստման աշխատանքները:
Պատրաստեց Աշոտ ԻՍՐԱԵԼՅԱՆԸ
ՀԱՋԻԵՒ – Hikmət Hacıyev
Գաջիեւը ռուսերէն տարբերակն է: