Վերաքննիչ դատարանում ավտովթարի գործով հանդես եկած Վարդան Պետրոսյանը դիմելով տուժող կողմին՝ ասաց. «Եթե դուք չեք ուզում հաշտվել, ընտրությունը ձերն է: Գնացեք, բողոքեք, դատարան: Հաշվի առեք, որ դատարանը կարող է շատ ավելի քիչ տալ: Բայց հաշվի առեք, որ դատարան դա չի նշանակում, որ երբ ուզեցիք՝ դա տվեց: Դա նշանակում է դատական գործընթացներ, դա նշանակում է փաստաբանների միջամտություն, գաղափարների կռիվ»:
Նա դիմելով տուժողի իրավահաջորդին՝ ասաց, որ վերջին պահին առաջարկում է՝ հաշտություն, որին ի պատասխան տուժող Արթուր Հակոբյանն ասաց՝ ոչ:
Վարդան Պետրոսյանն ասաց. «Դուք չեք ուզում հաշտվել: Աստված Ձեր հետ: Դա Ձեր իրավունքն է: Գնացեք: Դիմեք դատարան: Եվ դատարանից ստացեք ինձնից այն, ինչ պատկանում է Ձեզ»:
Կարդացեք նաև
Վարդան Պետրոսյանն անդրադարձավ գումարի պահանջին, հանդիպումներին, հիշեցնելով՝ տուժածների փաստաբանն ասում է, որ Վարդան Պետրոսյանը, նրա ընտանիքը ոչ մի քայլ չեն արել:
Վ. Պետրոսյանին ընդհատեց տուժողի իրավահաջորդի ներկայացուցիչ Նաիրա Հայրապետյանն՝ ասելով՝ իմ փաստաբանը չի իմացել:
Վ. Պետրոսյանն ասաց. «Ես շնորհակալ եմ ձեզնից Ձեր ասածի համար: Երբ առաջին անգամ ես արտաբերեցի քսան հազար բառը, թեկուզ չուզելով դատարանում, Ձեր ամուսինն ասաց, ոչ, այդպիսի բան չի եղել: Դուք ասացիք, որ դա ճիշտ է: Փաստաբանը չի իմացել: Չէ որ անցել էր երեխաների մահվան տարին»:
Մանրամասները քիչ հետո:
