Գագիկ Ծառուկյանի մամլո խոսնակ Իվետա Տոնոյանը չի ցանկանում մեկնաբանել «Ազգային համաձայնություն» կուսակցության նախագահ Արամ Հարությունյանի տեղեկությունները, թե ԲՀԿ նախկին առաջնորդ Գագիկ Ծառուկյանի որդու ու մերձավորի նկատմամբ ճնշումների միջոցով են ստիպել քաղաքականությունից հեռանալ:
«Թե ինչի մասին է պատմել նրան ենթադրյալ ԲՀԿ-ականը որեւէ կերպ չեմ ցանկանում մեկնաբանել, պարզապես կցանկանայի ասել, որ Գագիկ Ծառուկյանի գործունեությանը վերաբերող ցանկացած տեղեկություն, եթե դա իր կողմից լիազորված անձի կողմից տրամադրված չէ, ապա իրականության հետ որեւէ առնչություն չունի: Այսինքն, եթե դրա մասին չի խոսում Գագիկ Ծառուկյանը կամ ես՝ որպես մամլո խոսնակ, ապա նման մտքերի շարադրանքին մեկնաբանելու նպատակահարմարությունը չեմ տեսնում ու որեւէ կերպ չեմ անդրադառնա դրանց»,- Aravot.am-ին ասաց Իվետա Տոնոյանը:
Արփինե ՍԻՄՈՆՅԱՆ
