Անդրադառնալով Սյունիքի մարզպետ Սուրիկ Խաչատրյանի դեմ իրականացված մահափորձին՝ «Ժառանգության» փոխնախագահ Արմեն Մարտիրոսյանը կարծիք է հայտնել, թե «հնարավոր է՝ վրեժխնդրությունից դրդված սիրողական կրակող է եղել»:
«ՉԻ» – Համաձայնվեք՝ «սիրողական» բառն այս դեպքում պարզապես հիացնում է։ Փաստորեն Սուրիկ Խաչատրյանի մեքենայի վրա կրակելը ոչ թե այդ մարդու պրոֆեսիան է, այլ հոբբին։ Մարդը սիրում է դրանով զբաղվել եւ զբաղվում է։ Ճիշտ է՝ սիրողական մակարդակով։
Ինչ վերաբերում է լրատվամիջոցներում շրջանառվող այն վարկածին, թե իբր Սուրիկ Խաչատրյանն ու իր մերձավորներն իրենք են կազմակերպել այդ մահափորձը, ապա դա, իհարկե, անհեթեթություն է։ Եթե նրանք կազմակերպած լինեին՝ հաստատ չէին վրիպի։ Համենայն դեպս վերջին տարիների քրեական ամփոփագրերը ցույց են տալիս, որ նրանք, որպես կանոն, փուստ չեն կրակում։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
