«Հայաստանը հասկանալի արտաքին քաղաքականություն չի վարում: Կան լուրեր, որ արտգործնախարարությունը ոչ ինքնուրույն կառույց է: Հայաստանի արտաքին քաղաքականությունը կարծես թե Հայաստանում չի ձեւավորվում: Բացակայում են նաեւ քաղաքականության մշակման մյուս հարթակները` Ազգային ժողով, կուսակցություններ, ազդեցիկ քաղաքագիտական կենտրոններ: Բնականաբար, չկան կառավարության վրա հանրության ազդեցության լծակները:
Ինչպես մյուս ուղղություններում, Վրաստանի պահով նույնպես հասկանալի քաղաքականություն չի վարվում: Տեսեք, թե ով է Վրաստանում Հայաստանի դեսպանը: Դրանով Հայաստանը ցուցադրում է, որ Վրաստանում ինքնուրույն քաղաքականություն չի վարում: Կարծում եմ, որ հատուկ են այնտեղ շտանգիստ ուղարկել»,- «Առավոտի հետ զրույցում՝ խոսելով հայ-վրացական հարաբերությունների մասին, ասաց «Համագործակցություն հանուն ժողովրդավարության» կենտրոնի նախագահ Ստեփան Դանիելյանը:
