«Իշխանության մոտ չկա հասկացություն, որ նոր սերունդ եկավ»,- հունիսի 25-ին Բաղրամյան պողոտայում Aravot.am-ի եւ 168 ժամի հետ զրույցում ասաց քաղաքագետ Ստեփան Գրիգորյանը:
Նրա խոսքերով՝ երիտասարդներին ո՛չ կկաշառես, ո՛չ էլ կկարողանաս խոսել. «Հենց վարչապետի պատասխանը ցույց է տալիս, որ ինքը ադեկվատ չի հասկանում, չի արձագանքում: Կարող է, ինքն ուզում է լուծել հարցը, բայց ինքը ադեկվատ չէ, ինքը չի հասկանում, որ կաշառված քաղաքական գործիչների հետ գործ չունի, կամ խաղացող մարդկանց հետ գործ չունի: Ինքը գործ ունի երիտասարդների հետ, խելոք, գրագետ նոր սերունդի հետ, որոնք ո՛չ քաղաքականությունով են ուզում զբաղվել, ո՛չ իշխանություն են ուզում, ո՛չ մի բան: Իրենք շատ պարզ հարց են դնում»:
Aravot.am-ի հարցին, թե ինչպե՞ս է գնահատում ռուսական լրատվամիջոցների աշխատանքը, Ստեփան Գրիգորյանը պատասխանեց՝ փայլուն. «Իրենք միշտ կեղծել են ճշմարտությունը, հիմա էլ հերթական անգամ կեղծում են: Հիմա ինչ անենք, այս է իրենց մասնագիտությունը սա է՝ կեղծելն է: Ես շատ զարմացած եմ, որ իրենք այդքան պրիմիտիվ են, որ հայերի հետ ավելի լավ է լավ լեզվով խոսել ու հայ ժողովուրդը միշտ էլ քո բարեկամը կլինի: Այս երեխաները այստեղ պայքարում են, խաղաղ միտինգներ են անում ո՛չ քար շպրտել, ո՛չ սխալ բառ ասել, ու իրենց այս ձեւի բան վերագրելն ամոթ է: Իրենք հենց դրանով փչացնում են մեր հարաբերությունները Ռուսաստանի հետ, հենց ռուսական հեռուստաալիքները»:
Ամի ՉԻՉԱԿՅԱՆ
