Արդարադատության նախարարության «Կոշ» քրեակատարողական հիմնարկի կալանավոր Ռուբեն Ամատունու պատժի կրման տեսակը փոխվել է:
Նա բաց տիպի ռեժիմում է, ինչը նշանակում է՝ պետք է առավոտյան դուրս գա հիմնարկից, աշխատի, օրվա վերջում գնա նույն քրեակատարողական հիմնարկ՝ գիշերելու:
Երեկ Ռուբեն Ամատունին հաստատեց «Առավոտի» լուրը, հայտնեց, որ աշխատանքի է անցել «Աջակցություն դատապարտյալներին» հիմնադրամում:
Հիշեցնենք, որ Ռուբեն Ամատունին տասնյակ անգամներ «Առավոտով» բարձրաձայնել է վաղաժամկետ պայմանական ազատազրկվածների իրավունքների, անկախ հանձնաժողովի գործունեության մասին, որը հակասում է գործող Սահմանադրության 17 եւ 18 հոդվածներին: Ըստ դատապարտյալի, անկախ հանձնաժողովն իր մերժման որոշումները չէր պատճառաբանում, այն կայացնում էր գաղտնի եւ փակ ընթացակարգով՝ քվեարկությամբ, զրկելով տվյալ մերժված անձին իր նկատմամբ կայացված որոշումները բողոքարկելու հնարավորությունից ու դատական պաշտպանությունից:
«Առավոտ» օրաթերթ
10.11..2015