Արդարադատության նախարարության «Կոշ» քրեակատարողական հիմնարկի կալանավոր Ռուբեն Ամատունու գործով Արագածոտնի մարզի ընդհանուր իրավասության դատարանը վերացրել է ՔԿՀ-ի վարչական հանձնաժողովի կայացրած 31.04.2014թ.մերժման որոշումը:
Դատարանի նույն որոշմամբ պարտավորեցվել է քրեակատարողականին Ռ. Ամատունուն վաղաժամկետ ազատելու միջնորդությունը ներկայացնել անկախ հանձնաժողովին:
«Կոշ» քրեակատարողական հիմնարկը ըստ կալանավորի, իրեն արտահերթ ներկայացրել է անկախ հանձնաժողովին: Անկախ հանձնաժողովը, հիշեցնենք, որ ստեղծվել է ՀՀ նախագահի 31.07.2006թ.ՆՀ-163-Ն հրամանով:
«Անկախ հանձնաժողովի» անդամներից 2-ը ըստ ընթացակարգի այցելեցին «Կոշ» քրեակատարողական հիմնարկ, եւ ընդունեցին իրենց ներկայացվող 16 դատապարտյալներին: Նրանց մեջ էր հոգեբան Ռուբեն Աղուզումցյանը, հանրային խորհրդի անդամ Հովհաննես Հովհաննիսյանը»,-ասում է Ռ. Ամատունին:
Կարդացեք նաև
Սակայն, ըստ դատապարտյալի, հակառակ իր սպասումների, եւ դատարանի որոշման, անկախ հանձնաժողովը մերժել է վաղաժամկետ պայմանական ազատելու միջնորդությունը: Ռուբեն Ամատունին ասում է, որ դատարանը հիմնավորել է, որ ինքն ուղղվել է, իսկ անկախ հանձնաժողովը չի հիմնավորել, թե ինչու են մերժում:
Դատապարտյալի կարծիքով, անկախ հանձնաժողովը, որը ձեւավորվել էր ուժային կառույցներից, կոռուպցիոն ռիսկերի նվազեցման խնդիր ուներ, իր հոգեբանությամբ չի կարողանում զերծ մնալ ավազակության մեղադրանքով նստածների նկատմամբ, հաշվի չի առնում որեւէ դրական հանգամանք.
«Կոնկրետ իմ դեպքում, հանձնաժողովը հաշվի չի առնում, որ պատժիս կրկնման 4 տարի 6 ամիսների ընթացքում թույլ չեմ տվել որեւէ արարք, որի վրա հիմնվելով ինձ մերժեին: Հաշվի չառան անգամ դատարանի որոշումը, իրենց դատարանից բարձր դասելով»,-ասում է Ռ.Ամատունին:
Ռուբեն Ամատունին իրեն դեռ համարում է գերու կարգավիճակում գտնվող մեկը:
Ռուզան ՄԻՆԱՍՅԱՆ
