«Կրթության մասին օրենքը սահմանում է հեռահար կրթության ձեւը: Բոլոր դպրոցներն ապահովված են ինտերնետով: Ընտանիքների մեծ մասն ունի համակարգիչներ: Պետք է մտածել ինչպես նման դեպքերում օգտագործել հեռավար կրթության տարբերակը, որպեսզի երեխան տանը նստած՝ չկտրվի կրթական գործընթացից»,-այսօր «Հենարան» մամուլի ակումբում ասաց Երեւանի ավագանու «Բարեւ Երեւան» խմբակցության քարտուղար, կրթության փորձագետ Անահիտ Բախշյանը:
Որպեսզի դպրոցներում երկարաձգված արձակուրդների հետեւանքները շոշափելի չլինեն, նա առաջարկում է հանրակրթական համակարգում եւս ներդնել հեռավար կրթության մեխանիզմներ. «Դրանց բացակայությունը գուցե մեր դանդաղկոտության հետեւանքն է: Ուսուցիչների մեծամասնությունը նոր է համակարգչի համը առնում եւ օգտագործում որպես գործիք: Որ լսեն հեռավար ուսուցման մասին՝ կասեն՝ վա՛յ, դա էլ ու պրծ… Ուսուցիչը չպետք է սահմանափակվի ատեստավորման ժամանակ համակարգիչը միացնել-անջատել սովորելով»:
Փորձագետի համոզմամբ՝ հեռավար կրթության համակարգը պետք է շարունակական լինի, այն կարող է փոխարինել «երեկոյան» դպրոցներին. «Որքան համակարգիչը հեռավար կրթությունը մտցնի ընտանիք, վերջինս այնքան շատ կմտածի այդ ուղղությամբ: Պետությունը մարզ առ մարզ իրականացնելու է «մեկ աշակերտ-մեկ համակարգիչ» ծրագիրը»:
Անահիտ Բախշյանը մանկավարժներին հորդորեց այս օրերին աշակերտներին բացակա նշանակելուց առաջ մտածել կամ պարզել՝ ինչու է աշակերտը բացակա. «Այդ բացական միշտ չէ, որ նշանակում է անգործություն: Երբեմն այնպիսի դեպքերում են բացակա նշանակում, որ մտածում ես՝ այս ուսուցիչը գոնե հետաքրքրվել է, թե ինչու աշակերտը չի եկել դպրոց: Օրենքի խախտում է ստացվում, բայց օրենքից պետք է հանել այդ կետը»:
Կարդացեք նաև
Անահիտ Բախշյանը չհամաձայնեց այն նկատառման հետ, թե բաց թողած ժամերը լրացնելն աշակերտներին կծանրաբեռնի. «Լա՞վ էր, որ մի ամիս քեֆներին տված ման եկան…Պետք է շատ աշխատեն: Հերիք է շոյենք ու փայփայենք, ներենք ամեն բան: Նրանք պետք է սովորեն եւ վերջ»:
Լուիզա ՍՈՒՔԻԱՍՅԱՆ
Նախ թույլ տվեք շնորհակալություն հայտնել Ձեզ այս նյութի համար: Այո,հիվանդությունը` հիվանդություն, սակայն բոլորս էլ քաջ գիտակցում ենք, թե ինչպիսի ծուլության ենք վարժեցնում մեր երեխաներին: Ձեր առաջարկը շատ լավն է: Մենք այդպիսի փորձ ունենք, եւ ես փորձեմ ներկայացնել:Իհարկե, դասեր ասածով արել ենք, երբ եղել է դրա անհրաժեշտությունը (ոտքի կոտրվածք, սուր աղիքային ինֆեկցիա, ջրծաղիկ եւ …..) Եւ բավականին օգտակար էր բոլորի համար:
Ուզում եմ նաեւ շնորհակալություն հայտնել մեր նախարար պարոն Աշոտյանին, ով իր FB-յան էջում զանազան նյութերով փորձում էր երեխաներին ակտիվացնել, հետաքրքրություն առաջացնել լեզուներ ուսանելու եւ հետաքրքիր գրքեր կարդալու համար:
Կարծում եմ` կարող ենք ակտիվիստներով հավաքվել, քննարկել առաջարկությունները եւ ներկայացնել համապատասխան մարմնին` հարցին ճիշտ լուծում տալու եւ ստանալու համար:
Միշտ պատրաստակամ եմ արձագանքելու եւ մասնակցելու քննարկումներին:
Հարգանքներով` կրթական հիմնադրամի տնօրեն` Մելանյա Գեղամյան
Ամբողջական հոդվածը կարող եք կարդալ այս հասցեով՝ https://www.aravot.am/2016/02/02/653376/
© 1998 – 2016 Առավոտ – Լուրեր Հայաստանից լայն քննարկմանը, ապա ներկայացնել համապատասխան մարմի