Այսօր ԱԺ նիստում ՀԱԿ խմբակցության ղեկավար Լեւոն Զուրաբյանը հորդորել էր ԱԺ փոխխոսնակ Էդուարդ Շարմազանովին, որ ԱԺ անունից ոստիկանությանը, դատախազությանը հարցում ուղարկեն քաղաքացիական ակտիվիստ Վարդգես Գասպարիի կալանավորման հետ կապված եւ ԱԺ-ին տեղեկատվություն տրամադրեն:
Շարմազանովը պատասխանել էր, որ որտեղ օրենք կա, իրավունք չունեն միջամտել իրավապահ մարմինների գործերին:
ՀԱԿ խմբակցության պատգամավոր Հրանտ Բագրատյանն արձագանքեց. «Երբ նոր Սահմանադրությունը անցկացրեցիք, ասում էիք՝ ընդդիմության դերը բարձրանում է: Էս խեղճ ընդդիմությունը, պարոն Շարմազանով, մի բան է խնդրում: Ասում է՝ գնա իմացի ինչ է, արի ինֆորմացիա տուր: Էս իրավո՞ւնքն էլ չունեն, բա ամոթ չի՞: Պիտի հիմա նստենք սա քննարկե՞նք»:
Շարմազանովը պատասխանեց. «Ես ասացի իրավունք չունե՞նք: Ասացի՝ մենք դատապարտում ենք ցանկացած ոտնձգություն մարդու իրավունքների նկատմամբ: ՀՀ-ում եւ ցանկացած ժողովրդավարական երկրում քաղբանտարկյալների առկայությունն անթույլատրելի է: Ասացի՝ պետք չի դատավորի կամ դատախազի ֆունկցիա վերցնել, որեւէ այլ բան ասե՞լ եմ: Մի՛ խեղաթյուրեք ոտի վրա իմ ասածները»:
Կարդացեք նաև
Հռիփսիմե ՋԵԲԵՋՅԱՆ
