Նախկինում տեղեկացրել ենք, որ Աղստեւ գետը Իջեւանի գինու,կոնյակի գործարանի տարածքից ներքեւ պարբերաբար աղտոտվում է: Նույն տարածքում գետի նման ձեւով աղտոտվելը նկատել ենք նաեւ 2016 թվականին:
Ջրի մակերեւույթը գրեթե ամբողջությամբ պատվում է մեծ փրփուրներով: Այդ փրփուրները բնական ծագում չունեն, քանզի գետն այդտեղ հանդարտ է հոսում, Աղստեւի փրփուրներով պատվելը չէր կարող առաջանալ ջրի թափով հոսքից:
Այդ կապակցությամբ դիմեցինք ՀՀ բնապահպանության նախարարության բնապահպանական պետական տեսչության Տավուշի մարզային բաժնի պետ Արտյոմ Մանուչարյանին: Նա Աղստեւից վերցրած ջուրը լաբորատոր փորձաքննության նպատակով Երեւան էր ուղարկել:
Ա. Մանուչարյանը հայտնեց,որ լաբորատորիայից ստացված տեղեկատվությամբ ՝ Աղստեւի ջրում աղտոտվածություն չի հայտնաբերվել: Դիլիջանի եւ Իջեւանի տարածաշրջաններում արտադրական մեծ ձեռնարկություններ չեն գործում,որոնց գործունեության հետեւանքով Աղստեւը կարող էր պատվել փրփուրներով:
Կարդացեք նաև
Ոսկան ՍԱՐԳՍՅԱՆ
Գետը պարբերաբար աղտոտվում է, որովհետև հարակից տրածքում գործող օբյեկտները իրենց աղբը ամբողջությամբ թափում են գետը: