«Առավոտի» հետ զրույցում անդրադառնալով ԵՄ-ի կողմից Ռուսաստանին վերաբերող հինգ սկզբունքներին եւ իրադարձային առումով դրան հետեւող՝ Սիրիայից ռուսական զորքերի դուրսբերմանը՝ ուկրաինացի քաղաքական փորձագետ Սերգեյ Գերասիմչուկն ասաց. «Եթե ուկրաինական տեսանկյունից նայենք, մենք վաղուց չենք հավատում Ռուսաստանի հայտարարություններին: Այդ պատճառով մինչեւ վերլուծելը, որպես ուկրաինացի փորձագետ, կասեմ՝ եկեք սպասենք, որովհետեւ զորքերի դուրսբերման մասին հայտարարություն կա, բայց մենք մեկ անգամ չէ, որ կարդացել ենք, որ ռուսական զորքեր Ուկրաինայում ընդհանրապես չկան: Ինձ թվում է՝ խոսել, թե սա Ռուսաստանի համար մեկ քայլ հետ է, դեռ վաղ է:
Իհարկե, այն կողքից հենց այդպես է երեւում: Բայց մյուս կողմից՝ մենք չգիտենք, թե արդյո՞ք ամբողջ ռուսական զորքն է դուրս գալու: Սա ոչ թե մի քայլ առաջ է կամ հետ, այլ սա մեկ անգամ եւս փորձ է Եվրամիության կողմից ստեղծել բանակցությունների հարթակ: Այն, որ Եվրամիությունը նման սկզբունքներ է ձեւակերպել, նշանակում է՝ նա այլեւս չի հավատում հռչակագրերին: Եվրամիությունը կհավատա միայն այն դեպքում, եթե տեսնի, որ Ռուսաստանը կատարում է իր առջեւ դրված պայմանները»:
Կարդացեք
«Առավոտ» օրաթերթ
17.03.2016
