Դեմքի մաշկի մաքրման, փափկեցման, սնուցման համար երբեմն կարելի է օգտագործել տարատեսակ անուշաջրեր: Դրանք կարող են լինել սպիրտային եւ ոչ սպիրտային: Տնային պայմաններում մեղրով անուշաջուր պատրաստելու համար առաջարկում են հետեւյալ բաղադրատոմսերը.
Զգայուն, գրգռվող, լայնացած մազանոթներով մաշկի համար վերցնել 1 ճաշի գդալ մանրացրած մաղադանոս կամ սամիթ, չորացրած կամ թարմ վարդի թերթիկներ, լցնել 2 բաժակ տաք ջուր եւ 1 թեյի գդալ մեղր: Թրմել գոլ վիճակում, քամել եւ լվանալ երեսը կամ թրջոց դնել:
Տոնուսը բարձրացնող վարդամեղրային անուշաջուր պատրաստելու համար անհրաժեշտ է նախ վարդի թերթիկներից պատրաստել թուրմ` 2 ճաշի գդալ մանր կտրատած վարդի թերթիկների վրան լցնել 1 բաժակ տաք ջուր, թրմել 20-30 րոպե, սառեցնել եւ քամել: Վարդի թուրմին ավելացնել 1 թեյի գդալ մեղր, 50 միլիգրամ 50 տոկոսանոց սպիրտ եւ 1 ճաշի գդալ կիտրոնի հյութ: Անուշաջուրը պահել սառնարանում: Այս տարբերակը նախատեսված է դեմքի մաշկի բոլոր տեսակների համար:
Կարդացեք նաև
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
13.05.2016
