Այսօր ժամանակակից օճառի արդյունաբերությունն արտադրում է անասելի մեծ քանակությամբ մեղրի կամ մեղվաբուծական այլ մթերքների պարունակությամբ օճառներ, որոնք հենց այդպես էլ անվանվում են՝ մեղրաօճառ:
Մեղրաօճառը, ինչպես նաեւ լվացվելու մեղրաջուրը կարելի է պատրաստել ինքնուրույն, տնային պայմաններում։ Վերցնել 1 մանկական օճառ, քերել մանր քերիչով, վրան լցնել մի քիչ ջուր եւ տաքացնել ջրային բաղնիքի վրա, մինչեւ օճառի լիակատար լուծվելը։ Ստացված զանգվածին ավելացնել 1 ճաշի գդալ մեղր, լավ խառնել եւ սառեցնել։ Հեղուկ օճառը լցնել վազելինով պատած ձեւավոր ամանների մեջ եւ չորացնել արեւի տակ։ Այս անուշաբույր օճառը ոչ միայն հաճելի կլինի մեծերի, այլ նաեւ երեխաների համար։ Աշխատանքն ավելի դյուրին դարձնելու համար կարելի է պատրաստել հեղուկ օճառով` ավելացնելով թեթեւակի տաքացրած մեղր, ապա լավ խառնել։ Այս օճառը մաշկը դարձնում է թավշյա եւ փափուկ։
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
22.06.2016
