ermenihaber.am. Թուրքիայի Էսքիշեհիր նահանգի Սիվրիհիսար գավառում գտնվող հայկական Սուրբ Երրորդություն եկեղեցու բակում 100-ավոր արձաններն են տեղադրվել:
Թուրքական «Haberler» լրատվական կայքը հայտնում է, որ նախագիծը սկսվել է 2011 թվականից, երբ այդ ժամանակվա մշակույթի նախարար Էրթուղրուլ Գյունայը հայտարարել էր Թուրքիայում քանդակների առաջին թանգարան հիմնելու մասին:
Նախագծի աշխատանքները 4 տարի շարունակ իրականացրել է քանդակագործ Մեթին Յուդանուրը: Եկեղեցու բակում և հարակից տարածքում տեղադրվել են Աթաթուրքի, Քազըմ Կարաբեքիր փաշայի, հայտնի թուրք արվեստագետ Մուզաֆֆեր Սարըսյոզենի, բեքթաշիական դերվիշ Գյուլբաբայի, հայտնի գրող Յաշար Քեմալի, Յունուս Էմրեի, Խոջա Նասրեթթինի, արհեստավորների, դարբնի, օդաչուի արձաններ:
